Инцијативата за Чисто Тетово алармира за проблемот со дивата депонија на влезот од градот

Од граѓанската иницијатива за Чисто Тетово преку Пресс конференција одржана на дивата депонија на влезот од градот, реагираа на неколкуте неисполнети ветувања на градските власти, за надминување на проблемот со сметот и чистење на дивата депонија.

Според нив градските власти се однесуваа несовесно и не ги решаваат проблемот. Претоварната станица за смет надвор од градот не го реши проблемот, сега отпадот се префрла од едно на друго место во Тетово, изјави Борис Стојановски од Иницијативата за Чисто Тетово.

Градоначалничката на Тетово Теута Арифи минатата недела ја отвори претоварната станица за смет на само неколку километри од градот во близина на тетовското село Требош. Таа рече дека станица за смет е првиот чекор кон решавање на деценискиот проблем со ѓубрето во Тетово.

Според неа, интензивно се работело на проект за изградба на станица за рециклирање на смет а во координација и соработка со останатите општини од полошкиот регион и со финансиска помош на странски организации и фондови, се работи на проект за уредување на регионалната депонија Русино во гостиварско, со што конечно не само во Тетово туку во целиот полог, ќе се реши проблемот со дивите депонии.

Арифи истакна дека во меѓувреме ќе се работи на чистење на дивата депонија на  влезот од Тетово, но не прецизираше кога оваа локација ќе биде целосно исчистена.

 

Додади коментар

Би те интересирало и

Пратениците од ВМРО-ДПМНЕ бараат Собранието да одлучи за Договорот со Бугарија

Пратеничката група на ВМРО-ДПМНЕ бара јавна, отворена и итна седница во врска со најавата за ...

Интегрална верзија од Договорот со Бугарија

Договорот за добрососедство меѓу Република Македонија и Република Бугарија ќе биде објавен на 1-ви следниот ...

Close