Како да спречите кавгата да ви ја расипе врската?

Несогласувањата често доведуваат до конфликти, без оглед на тоа колку сте вљубени.

Сепак, постојат граници кога се работи за расправањето. А, ако не ги почитувате може да имаат кобни последици.

Сè додека ги почитувате овие 8 правила и начини како да се расправате паметно, нема да и наштетите на врската:

1. Бројте до 10

Сериозно, помага. Кога ќе слушнете нешто што не ви се допаѓа или не се сложувате со него, длабоко вдишете и бројте. Сигурно не сакате да го повредите партнерот во еден момент на слабост или непромисленост.

2. Договорете се за сигнал кој значи „застани, до тука“

Кога гледате дека кавгата ќе кулминира, многу е важно да се сопрете со некој таен сигнал кој и двајцата ќе го разберете. Тоа може да биде гест или збор, сеедно. Само кажете го или направете го, за да го спречите преминувањето на прагот на толеранција.

3. Не се обидувајте да победите

Тоа не е она што ви треба. Не секогаш мора да бидете во право. Едноставно, некогаш не постои право и криво. Држете се до своите аргументи, но не се обидувајте да ги наметнете.

4. Некои работи едноставно не вредат

Сосема е нормално да имате различни мислења и ставови, и тоа мора да го прифатите. Но, постојат проблеми за кои не вреди да се расправате, а не пак долгорочно да си го нарушувате мирот. Мудро одбирајте заради што ќе започнете кавга.

5. Прегрнете го/ја

Кога постои недоразбирање, последната работа кога ја сакате е да имате физички контакт со лицето пред вас. Меѓутоа, кога се работи за личност со која сакате да го делите животот, време е да ги победите инстинктите. Прегратките ќе го збунат и омекнат дури и најлутото срце.

6. Во ред е да си легнете лути

Колку и да верувате во спротивното, некои работи е подобро да ги преспиете. Искористете го времето за себе, одморете се, медитирајте, прочитајте некоја добра книга и пробајте да ја поправите грешката следното утро. Не се грижете, ништо лошо не може да се случи за една ноќ.

7. Внесете малку хумор

Измислете некоја шега, направете двосмислен разговор, нешто на што и двајцата ќе се насмевнете. Тоа е одличен начин да ја разбиете напнатоста. Само не бидете иронични.

8. Објаснувајте се во удобна атмосфера

Самата околина влијае на вас и партнерот со кој сте во конфликт. Негативната атмосфера лесно може да ја наруши и самата желба за смирување. Затоа, избегнувајте бучни места со многу гужва. Заменете ги со тивко место, топол пијалак, вкусна храна и нешто што ви одговара на двајцата.

Извор: Нетпрес

Додади коментар

Би те интересирало и

Кои жени најмногу изневеруваат !!!

Многу фактори влијаат врз тоа дали партнерот ќе не изневери – незадоволство, привлечност од друга ...

Што открива вашиот датум на венчање?

Нумерологијата тврди дека датумот на свадбата зборува многу за самиот брак и ја одредува неговата ...

Close