Мареј ја зголеми предноста во однос на Ѓоковиќ на АТП ранг листата

Британецот Енди Мареј по завршувањето на Мастерсот во Индијан Велс ја зголеми разликата во однос на Новак Ѓоковиќ на чело на АТП листата. Иако Мареј во Индијан Велс настапот го заврши на самиот старт, тој ја зголеми бодовната предност во однос на Ѓоковиќ, поради тоа што Србинот беше елиминиран во осминафиналето и загуби 920 бодови.

Разликата меѓу првиот и вториот тенисер во светот сега изнесува 3.090 поени, а истата дополнително ќе се зголеми по Мастерсот во Мајами, каде Ѓоковиќ е актуелен шампион, но поради повреда нема да ја брани титулата, поради што ќе загуби нови 1.000 поени.

Голем скок бележи и Роџер Федерер кој го осви Индијан Велс.

ТОП 10 тенисери на најновата АТП ранг листа:

1. Енди Мари (Велика Британија) 12.005 бодови

2. Новак Ѓоковиќ (Србија) 8.915

3. Стан Вавринка (Швајцарија) 5.705

4. Кеи Нишикори (Јапонија) 4.730

5. Милош Раониќ (Канада) 4.480

6. Роџер Федерер (Швајцарија) 4.305

7. Рафаел Надал (Шпанија) 4.145

8. Доминик Тим (Австрија) 3.465

9. Марин Чилиќ (Хрватска) 3.420

10. Жо-Вилфред Цонга (Франција) 3.310.

Додади коментар

Би те интересирало и

Ѓорческа на стартот од квалификациите на УС Опен против Аиава од Австралија

Лина Ѓорческа во првото коло од квалификациите на УС Опен во Њујорк ќе игра против ...

Димитров го освои Мастерсот во Синсинати

  Бугарскиот тенисер Григор Димитров е победник на турнирот од Мастерс серијата во Синсинати. Димитров ...

Close