МЕРКА ПРИТВОР ЗА ПЕТ ЛИЦА: ОЈО поведе постапка против нарко група

По напатствија од Основното јавно обвинителство за гонење на организиран криминал и корупција, во текот на вчерашниот ден Министерството за внатрешни работи започна оперативна акција против организирана криминална група.

Групата подолго време се занимавала со продажба на разни видови наркотици на територијата на целата држава.

„По поднесената кривична пријава против осум лица од Прилеп, Битола и Арачиново, надлежен јавен обвинител постапувајќи против шестмина осомничени до Судијата на претходна постапка достави Предлог за определување на мерка – Притвор за пет лица и мерка – Куќен притвор за еден од осомничените. Лицата се товарат дека сториле кривично дело – Неовластено производство и пуштање во промет на наркотични дроги, психотропни супстанции и прекурсори од член 215, а на еден од осомничените му се става на товар и дека сторил кривично дело – Перење пари и други приноси од казниво дело од член 273 од Кривичниот законик“, стои во соопштението на Јавното обвинителство.

Во исто време надлежниот јавен обвинител од Основното јавно обвинителство за гонење на организиран криминал и корупција издаде наредби за вештачење на траги од наркотична дрога, вешачење на ДНК, како и на пронајдените количества на наркотичните супстанции.

Вештачењата се во тек. Двајца од осомничените не се достапни на органите на прогонот.

Додади коментар

Би те интересирало и

Сопружници загинаа во сообраќајна несреќа на регионалниот пат Тетово – Јажинце

Во сообраќајна несреќа на регионалниот пат Тетово – Јажинце загина 76 годишен жител од тетовско ...

Во пожар изгоре напуштена куќа во Желино

  Пожар што вчера околу 15 часот и 20 минути избувнал во стара, напуштена куќа ...

Close