Ќе продолжат инспекциите на скопските клиники изјави Таравари

Mинистерот за здравство Арбен Таравари најавува дека инспекциите на скопските клиники ќе продолжат.

„Ненајавените инспекциски надзори ќе продолжат и во текот на викендот и во текот на следната недела. Целта е одблиску да се увиди состојбата во установите и да се донесат конкретни мерки, доколку се воочат определени недостатоци“, се вели во соопштението од министерството за здравство.

Општата санитарно-хигиенска состојба на Универзитетската клиника за гинекологија не е на задоволително ниво, покажал синоќешниот вонреден инспекциски надзор спроведен од инспектори од државниот санитарен и здравствен инспекторат и претставници од кабинетот на министерот за здравство Таравари.

При надзорот е утврдено и дека во Ургентниот центар, на ортопедија и во Институтот за белодробни заболувања, општата хигиенско-санитарна состојба е релативно добра, за разлика од трауматологија каде општата хигиенско-санитарна состојба не е на задоволително ниво, соопшти министерството за здравство.

Додади коментар

Би те интересирало и

Министерството за култура подготвува измени на Законот за авторското право и сродните права

Министерството за култура подготвува текст за Предлог-закон за изменување и дополнување на Законот за авторското ...

Уште три лица хоспитализирани на Клиниката за инфективни болести

Уште три лица од гостиварско село се хоспитализирани во Клиниката за инфективни болести со висока ...

Close