Безбедносната служба на севернокорејскиот лидер Ким Џонг Ун се обидува да ги спречи специјалните служби на други земји да добијат информации за неговата здравствена состојба, изјави рускиот ориенталист и експерт за Северна Кореја, Андреј Ланков за порталот РБК, коментирајќи го чистењето на просториите во Пекинг каде што се сретнаа Ким Џонг Ун и рускиот претседател Владимир Путин.

Видео од чистењето беше објавено еден ден претходно од новинарот од Кремљ, Александар Јунашев.
На видеото се гледа како севернокорејските функционери го бришат столот на кој седеше Ким Џонг Ун и ја отстрануваат чашата од која пиеше.

Fun fact.

After Kim Jong Un leaves a location, everything he has touched is thoroughly wiped down and sanitized. pic.twitter.com/w68N8IYqo1

— Massimo (@Rainmaker1973) September 3, 2025

Репортерот ја нарече оваа практика стандарден безбедносен протокол за високи севернокорејски функционери.

„Во последните 4-5 години имаше индиректни знаци дека севернокорејскиот лидер има некои здравствени проблеми. Јасно е дека раководството на таа земја се обидува да ги скрие овие информации, особено од оние земји кои имаат, и може да имаат, и политички причини и технички можности некако да влијаат на прашањето за пренос на власта во Северна Кореја во случај на смрт или неможност за извршување на оваа функција на Ким Џонг Ун“, објасни Ланков.
Ким Џонг Ун има 43 години, а информациите за неговите здравствени проблеми периодично се појавуваат во западните и јужнокорејските медиуми, пренесува телеграф.рс.