„Во главата имав само една мисла – морам да влезам во Домот, морам да ја спасам мајка ми“, раскажува жена од Тузла чија мајка ја преживеала трагедијата во Домот за стари лица во Тузла, пренесува Н1. Моментот кога ја прегрнала мајка си бил моментот на најголемо олеснување:

„Беше огромно олеснување кога ја видов. Ги зедов ќебињата, ги покрив, им дадов вода. Помогнав и бев тука до два часот.“

Околу себе видела оган, повредени и вознемирени луѓе. Семејствата се уште се пред Домот денес, не можат да влезат бидејќи истрагата е во тек. Тие истакнуваат дека условите во Домот биле на лошо ниво бидејќи не било инвестирано доволно. Сега се чека резултатот од полициската истрага.

„Запуштено е. Тажно е. Се прашував зошто град што се развива изгледа многу убаво, има ваков дом… Мајка ми е таму три години. Нема инвестиции… Персоналот се труди најдобро што може, но е толку – запуштено“, вели Алма Тадиќ.

„Знам дека ги зголемија цените, 1.600 марки на повисоките катови, 1.300 на долните. Другиот ден бев на седмиот кат и условите се катастрофа. Неуредни, лоши услови, ова е штета“, додаде таа.

Само брзата реакција и обука на пожарникарите и несебичниот ангажман на полицијата спречија пожарот да се прошири понатамошно. Истрагите се во тек, а потоа ќе се знае дали пожарот е резултат на случајна небрежност на корисникот или на неуспех на администрацијата на Домот и градските институции.