(Видео) Со биографијата за Исус и жена му за рака Саркози замина во затвор

Фото: Х видео/france24

Поранешниот француски претседател Никола Саркози пристигна во затворот Ла Санте во Париз за да започне со отслужување на петгодишна затворска казна, објави Франс 24.
„Невин човек се приближува“, напиша тој претходно во објава на мрежата Х.

„Не барам никакви привилегии или услуги“, додаде тој. „Вистината ќе победи“.

Саркози почнува со отслужување на петгодишна затворска казна за заговор за собирање средства за кампањата на либискиот диктатор Моамер Гадафи. Тој го напушти својот дом во Париз рака под рака со сопругата Карла Бруни за да оди во затворот Ла Санте.
Тој ќе биде одвоен од сите други затвореници од безбедносни причини, пишува Франс 24.

Саркози, десничарскиот лидер на Франција од 2007 до 2012 година, беше осуден во септември за криминална заговор околу план за финансирање на изборната кампања на покојниот либиски диктатор Моамер Гадафи.
Според персоналот, поранешниот претседател веројатно ќе биде сместен во ќелија од девет квадратни метри, во делот од затворот каде што има самица. Овака би се избегнал контакт со други затвореници, како и можноста некој да го фотографира со мобилен телефон шверцуван во затворот.

Саркози ќе има пристап до телевизор – со месечна претплата од 14 евра – и фиксен телефон.

Саркози, исто така, за конзервативниот весник „Фигаро“ изјави дека со себе ќе понесе биографија на Исус и примерок од романот „Грофот од Монте Кристо“, приказна за невин човек кој е осуден на затвор, но успева да избега и да се одмазди.
Саркози веројатно ќе биде сместен во изолационо одделение, каде што затворениците се чуваат во индивидуални ќелии и се одвојуваат за време на нивниот престој на отворено, од безбедносни причини. Условите се слични како и во остатокот од затворот: ќелиите се од 9 до 12 квадратни метри и, по реновирањето, сега вклучуваат приватни бањи со тушеви, пренесува данас.рс.

©Kanal77.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање

Сподели:

Facebook
Twitter
LinkedIn
Email

НАЈЧИТАНИ ВЕСТИ