Градоначалникот Орце Ѓорѓиевски со свечено осветлување на новогодишната елка и официјалното отворање на Божиќниот маркет вчера вечерта го означи почетокот на празничната магија во Скопје. 

-Од срце ви благодарам, драги скопјани, најдраги дечиња, за масовното присуство, за радоста и за прекрасната енергија што вечерва ја споделивме заедно.  Свечено ја осветливме новогодишната елка и официјално го отворивме Божиќниот маркет, со што симболично го означивме почетокот на празничната магија во нашиот главен град. Со оваа церемонија, Скопје направи значаен чекор напред кон визијата да се развива рамо до рамо со современите европски градови, создавајќи настани што носат позитивна енергија, заедништво и радост за сите генерации, рече Ѓорѓиевски.

Фото: Неда Тануровска/ Град Скопје