Најмалку 622 лица загинаа, а повеќе од 1.500 се повредени во силниот земјотрес со јачина од 6,0 степени што синоќа нешто пред полноќ го погоди источниот дел на Авганистан, соопшти утринава авганистанското Министерство за внатрешни работи кое е под контрола на талибанците.
Американскиот геолошки институт објави дека потресот се случил во 23:47 часот (локално време) во планинската провинција Кунар, на 27 километри североисточно од градот Џалалабад, во покраината Нангархар. Дваесет минути подоцна регистриран е уште еден земјотрес со јачина од 4,5 степени во истата област.
A strong earthquake in eastern Afghanistan near the Pakistan border has killed hundreds of people and injured at least 1,000 others.
— Sky News (@SkyNews) September 1, 2025
The 6.0-magnitude quake hit a series of towns in the province of Kunar, near the city of Jalalabad
🔗 https://t.co/aAg4rS0h8u pic.twitter.com/vVpLhfy6ES
Според властите, загинати и повредени има во окрузите Нур Гул, Соки, Ватпур, Маноги и Чападаре. Земјотресот бил почувствуван и во главниот град Кабул, како и во пакистанската престолнина Исламабад.
– Во Кунар, најпогодената покраина, огромен број домови целосно уништени, изјави за ДПА портпаролот на талибанското Министерство за внатрешни работи, Абдул Матин Кани.
622 people killed, hundreds are missing while over 2000 people are injured due to the deadly #earthquake in Eastern Afghanistan . This is really heartbreaking 💔. Prayers for our Afghan brothers and sisters. The world should come forward to help humanity. pic.twitter.com/GdP74aFhrK
— Baba Banaras™ (@RealBababanaras) September 1, 2025
Екипите за спасување се обидуваат да стигнат до оддалечените планински региони, но ограничените комуникации и тесните патишта ја отежнуваат акцијата. Властите во Кабул побараа меѓународна помош.
Авганистан е подложен на силни и чести земјотреси, особено во регионот на Хиндукуш, каде што се сретнуваат индиската и евроазиската тектонска плоча. МИА
