Жена од Куманово отишла во туристичка агенција во Скопје за да изврши уплата за патување. Вработениот во агенцијата побарал парите да му ги даде на рака, уверувајќи ја дека сметката за уплатата ќе ѝ биде издадена дополнително.
По изминат одреден период, жената неколку пати се обидела да го контактира за да ги добие документите за патувањето, но осомничениот ѝ соопштил дека не може да ги обезбеди. Кога побарала враќање на парите, тој престанал целосно да одговара на нејзините повици.
Инцидентот бил пријавен на 28 октомври 2025 година во Секторот за внатрешни работи – Скопје, каде 28-годишната жена пријавила дека била измамена за износ од 2.000 евра.
Од Министерството за внатрешни работи соопштија дека се преземаат мерки за целосно расчистување на случајот и утврдување на сите околности поврзани со измамата.
