Во моментов еврокомесарката Марта Кос на редовна седница на Комитетот за надворешни работи во Европскиот Парламент го презентира Пакетот за проширување за 2025 година, зборувајќи за напредок на земјите кои бараат членство во Европската унија.

Главната ѕвезда е Албанија, а веднаш до неа по напредок е Црна Гора. За Македонија е забележано дека „не презеде решителни чекори“ оваа година за да напредува во процесот. Сосема кратко во една реченица во освртот за Македонија, Кос уште додаде дека земјава не ги усвоила неопходните измени на Уставот и продолжи со извештајот за Косово.

За разлика од Македонија, текот на преговорите со Албанија „достигнале невиден моментум“ оваа година, а подготовките за отворањето на последниот кластер пред крајот на оваа година сега се „добро напреднати“.

Во случајот со Црна Гора, доколку Подгорица го задржи сегашното темпо на реформи, таа е „на добар пат“ да ја исполни својата „амбициозна цел“ за тесни преговори за пристапување до крајот на 2026 година.

„Неодамнешните негативни трендови“ во справувањето со корупцијата мора да се сменат и темпото на реформите да се забрза ако Украина сака да ја исполни својата цел за затворање на преговорите за пристапување до крајот на 2028 година.

Целта на Молдавија за затворање на пристапните преговори до крајот на 2028 година е „амбициозна, но остварлива“, иако реформите ќе треба да се забрзаат.

Србија треба да ги засили напорите за поблиско усогласување со заедничката надворешна и безбедносна политика на ЕУ и мора „итно да го поништи назадувањето“ во голем број области.