Оваа година одиме на избори, изјави Вучиќ

Вучиќ негираше дека планирал насилство, но се откажал откако добил повик од странство
Фото: Видео принскрин

 Српскиот претседател Александар Вучиќ денеска изјави дека оваа година ќе има избори во Србија и дека е реално тие да се одржат помеѓу октомври и декември.

„Одиме на избори оваа година, а еве тие победуваат со огромна предност, тоа е вистина. Мислам дека изборите ќе бидат наесен, тоа е поверојатна опција“, рече Вучиќ на телевизијата Блиц.

Тој додаде дека не ја исклучува можноста да поднесе оставка од функцијата претседател на Србија и дека истовремено ќе има парламентарни и претседателски избори.

Вучиќ, исто така, гo коментираше случајот „Генералштаб“ и нагласи дека нема проблем да преземе целосна одговорност за тој случај.

„Јас имам апсолутна одговорност за „случајот Генералштаб“, апсолутна одговорност и чекам да поднесат обвинение против мене. Нема да си дадам помилување, ќе им го дадам на сите други, нема на себе“, рече Вучиќ. 

©Kanal77.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање

Сподели:

Facebook
Twitter
LinkedIn
Email

НАЈЧИТАНИ ВЕСТИ