Габриела Илиевска, вработена во Клиничката болница во Битола преку Фејсбук најави дека ќе биде незвисен кандидат за градоначалник на Битола на претстојните локални избори.

Нејзината објавата ви ја пренесуваме во целост:

-Добро утро Битола! После сите шпекулации, написи, приказни, плукања, честитки … еве да расчистиме!
Ве повикувам сите битолчни, без разлика дали сте симпатизери или членови на било која политичка партија, гласачи досегашни на било која политичка опција, досегашни “негласачи” … сите … кои сакате да живееме во-поубава, почиста, непартиск, независна Битола… Да ме поддржите за независен , кандидат за градоначалник и да се приклучите кон фронт против 30 и кусур годишното запоставување на градот.

Или сите заедно против партиското уништување на Битола или ќе им оставиме да не уништуваат. Без уцени за работни места! Без уцени за тендери! Без уцени за директори! Без заплашувања, прв пат Битола ќе има шанса да одлучи кој ќе ја води во следните 4 години! Дали имам многу пари за кампања? Немам ич! Дали имам пари за маркетинг?
Немам ич! Дали имам пари за набљудувачи и за плаќање по глас? Немам ич! Ама имам храброст, знаење, интегритет, чесност и достоинственост да излезам против сите кои досега само ја крадеа Битола! Време е Битола да биди независна! Време е сите ние да си ја вртиме Битола! Еден за сите, сите за Битола! Битола на граѓаните! И ќе победиме!