Санела Давиткова, учителка од Кочани, повредена во дискотеката „Пулс“, а која исто така била на лекување во Белград, за курир.рс ја отворила душата за кобната ноќ.

-Бевме веднаш пред сцената, веднаш под пиротехниката. На почетокот дури и не го сфативме пламенот сериозно, мислевме дека е дел од настапот. Сè додека пејачот не извика: „Излезете сите!“ Речиси сите од моето друштво успеаја да излезат, но тројцата се заглавивме на самата врата. Јас бев само на чекор од излезот. Кога го почувствував жешкиот воздух, инстинктивно ги ставив рацете преку лицето – вели Санела, чие лице, благодарение на тоа, беше прилично добро зачувано во пеколот, но на нејзините раце сè уште се гледаат траги од пламенот:

-Не се сеќавам на ништо друго, мислам дека се онесвестив за момент. Не можев да дишам. Кога се разбудив – бев заглавена. Луѓето натрупани еден врз друг. Во толпата врескајќи, првото нешто што го видов на вратата беше моето момче. Го повикав, но тој не ме препозна, сите бевме поцрнети. На крајот ме слушна. Не знам како успеа да ме извлече. Ме остави пред дискотеката и отиде да ги земе своите пријатели, двајцата беа извлечени надвор. Столе, едниот од нив, кого многу го сакав, беше пред амбулантното возило што ме однесе. Беше многу храбар. Постојано ми велеше дека сè ќе биде во ред. И на крајот не издржа, почина во Белград, пишува курир.рс.