Со интернационаланата вечер, која за малку ќе се одложеше порди лошото време, заврши фесивалот „Охрид фест“.

Победник од гласовите на публиката е срспскиот пејач со македонско потекло Ангело. Второто место го освои Ивона Јо, а третото дуетот Дорис Димовска и Наум Бумбаровски.

Дуото „Броз и марама“ го освоија првото место од жирито, второто Наталија Данаилова, а третото Саша Лазаревиќ- Кудра од Србија. Блаж Маротов ја освои наградата од новинарите.

Фестивалот почна скоро два часа порано, поради најавите за невреме со дожд, а тоа придонесе малку да се измести редоследот.

Најавувана ѕвезда српската легенда Оливер Мандиќ, не си ни појави на фестивалот. Од организацијата рекоа дека платени биле авионски билети и сместување и за него и за неговото семејство, но тој не се појави со образложение дека го пропуштил летот.

-Организиравме да биде пречекан на аеродромот во скопје и со автомобил да ги донесат во Охрид. Но, не се појавил. Кога го побарвме рече дека го пропуштил летот бидејќи, наводно, авионот полетал 12 минути порано, тие сакале да влезат последни и да ја избегнат гужвата. Мандиќ требаше да дојде и да ја прими награда за безвременски хит за песната „Питају ме питају“, договорот е уште од јуни. Обезбедивме луксузен апартман за неговото семејство и повратни авионски билети, велат од организацијата на фестивалот.

Гостин на фестивалот беше Дадо Топиќ, кој кко по традиција го заврши ова издание со песната „Македонија“.