На 28 септември со почеток во 8.30 часот, во Скопје ќе биде осветен храмот „Св. цар Константин и царица Елена”.

МПЦ-ОА ги повикува верниците да присуствуваат на овој чин.

-Почитувани верни чеда на Македонската Православна Црква – Охридска Архиепископија, По повод Осветувањето на велелепниот храм посветен на светите цар Константин и царица Елена – кој се наоѓа во срцето на градот Скопје – со особена радост ве покануваме да земете литургиско учество во овој свечен и бележит настан. Осветувањето ќе го изврши Неговото Блаженство, Архиепископот Охридски и Македонски г. г. Стефан, во сослужение со бројни архијереи од нашата Света Црква, на 28 септември 2025 година, со почеток во 8:30 часот, повикуваат од МПЦ.