Во најновото издание на емисијата „Стадион“ аргументите ги соочуваат актуелниот градоначалник на Пробиштип Драган Анастасов кој ќе го бара својот трет мандат и Тони Тоневски, кандидат за градоначалник од редовите на ВМРО-ДПМНЕ.

Една од темите за која се разговараше беше наводното намалување на платите на работниците во рудникот „Булмак“. Директорот на рудникот Тоневски вели дека таквата информација не е точна и дека платите се зголемуваат, а не се намалуваат.

„Најодговорно тврдам дека платите на рударите ниту еден денар не е намалена, напротив, се зголемува. Можеби не е зголемена на администрација, меѓутоа не е ниту намалена. Секој 15-ти во месецот им се исплаќаат платите на работниците. Општината не може да функционира без рудникот“, изјави Тоневски.