Основачот на Телеграм, Павел Дуров, изјави дека со задоволство би го купил накитот украден од парискиот Лувр и би го подарил на Лувр во Абу Даби.
– Никој не краде од Лувр во Абу Даби, напиша тој на Х.
Од парискиот Лувр беа украдени осум парчиња накит кои им припаѓале на француските царици. Грабежот го извршила група од четири лица, од кои две провалиле во музејот, пренесоа француските медиуми.
Лувр е отворен во 1793 година и е најпосетуваниот музеј во светот.
Not at all surprised by the Louvre heist. It’s another sad sign of the decline of a once great country — where the government has perfected the art of distracting people with phantom threats instead of confronting the real ones.
— Pavel Durov (@durov) October 20, 2025
Дуров се врати во Дубаи во март оваа година. Во август 2024 година беше уапсен на аеродромот во близина на Париз, а потоа против него беше покрената официјална истрага со забрана за напуштање на територијата на Франција.
Дуров потврди дека поминал неколку месеци во Франција „поради истрага поврзана со активностите на криминалците на Телеграм“. „Процесот е во тек, но одлично е чувството да се биде дома“, рече тогаш Дуров и им се заблагодари на истражните судии кои дозволиле да ја напушти Франција.







