„Правда за Маја“ -Докторот што прегази куче суспендиран, протест пред ВМА во Софија за построги мерки за насилство врз животни

Фото: Видео принтскрин

Протест под наслов: „Правда за Маја“ со барање за построги казни за насилство врз животните ќе се одржи денес во 16:30 часот пред централниот влез на Воено-медицинската академија, пренесува скандал.бг.

Причината за граѓанското незадоволство е тоа што човек прегазил куче во Софија. Животното е еутанизирано поради нанесените тешки повреди.

На почетокот на неделата, ВМА, каде што работи д-р Ненад Цоневски – мажот кој го прегази кучето – објави дека му забранува на докторот да ги извршува своите службени должности додека не се разјасни случајот.

Вчера, Окружното обвинителство на Софија го обвини Цоневски за намерно сурово однесување кон животните.

На интернет циркулира петиција, зад која се потпишале повеќе од 220.000 луѓе, со барање за целосна, непристрасна и транспарентна истрага за случајот со ефикасна примена на Кривичниот законик, кој предвидува казни за суровост кон животните.

Луѓето се залагаат за законски измени за зајакнување на санкциите за намерни дела што доведуват до смрт или повреда на животните, пренесува БНР.

©Kanal77.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање

Сподели:

Facebook
Twitter
LinkedIn
Email

НАЈЧИТАНИ ВЕСТИ