Прв фестивал на гајдата во Македонија, насловен „Гласот на гајдата“, ќе се одржи вечер со почеток во 19 часот во Градската  библиотека „Браќа Миладиновци” во Скопје.

Иницијатор и организатор е Стефче Стојковски кој изјави дека фестивалот е посветен само на гајдата и гајдаџиите и дека вечер ќе настапат неколку генерации на гајдаџии – татковци и синови, дедовци и внуци.

-Фестивалот е ревијален карактер,  влезот е слободен и бесплатен. На првото издание на фестивалот ќе настапат: Ратко и Филип Златановски, Горанчо и Александар Ангелов, Синиша и Теодор Грујоски, Стефче Стојковски и Теодор Стојановски – Катин, Гоце Димовски и Љупчо Најдоски, информира организаторот на фестивалот.