Медитеранскиот циклон интензивно влијае на времето низ цела Хрвтска. Донесе облаци, врнежи, високи температури на воздухот во поголемиот дел од земјата, а по должината на брегот во вечерните часови, силна циклонска плима, пренесува Далмација Данас

Само вчера, на север на Јадран паднаа големи количини на врнежи, над 100 литри на квадратен метар во областа Риека.

Поради протокот на воздушна маса од северот на Африка, дождот што падна содржеше примеси од сахарски песок.

Главна карактеристика на времето на Јадран е југот. Силно е до бурно, а на некои места на море има ветрови со сила на ураган. Досега, урагански удари се регистрирани во опсерваторијата Мосор, Ластово и Палагружа. Најсилниот налет од југ на Палагружа беше 137 км/ч. Патем, уште една интересна информација доаѓа од Палагружа. На осум милји од светилникот на Палагружа се наоѓа метеоролошко-океанографската бова на ДХМЗ, која во два наврати измери највисока висина на бранот од 8 метри. Не е исклучено дека ќе има и повисоки бранови во следните часови.
Во исто време, по должината на брегот и на островите се јавува изразена циклонска плима, секако најголемата оваа година и една од најголемите во последните години. Морето се искачи за повеќе од половина метар, на некои места дури и повеќе од 70 сантиметри, па затоа долните делови од брегот беа поплавени.

Видеата од невремето погледнете ги ТУКА.