Патниците се соочуваат со зголемување на цените на авионските билети и намалување на распоредот на летовите, бидејќи конфликтот на Блискиот Исток предизвикува зголемување на цените на нафтата. Покрај тоа, зголемената побарувачка на летовите што ги избегнуваат застанувањата на Блискиот Исток и Заливот, исто така, значи дека патниците мора да плаќаат повеќе.

Експертите предвидуваат дека цените на билетите би можеле да останат високи со месеци дури и ако дојде до намалување на интензитетот на воениот конфликт. Пред конфликтот, горивото за авионите беше по цена од околу 85-90 долари за барел.

Аналитичари во изјава за АП предупредуваат дека цените би можеле да надминат 150-200 долари во наредните недели. Горивото обично сочинува околу 20-25% од оперативните трошоци на авиокомпаниите, а процентот може да биде уште поголем за летови на долги релации. Како резултат на тоа, превозниците немаат голем избор освен да ги префрлат зголемените трошоци на патниците.

За 15% паднаа акциите на Визер

Иако засега нема индикации за масовно поместување на цените на авионските билети, на одредени пазари авионските билети веќе се зголемуваат. Некои странски авиокомпании – особено оние со многу летови на ултра долги релации – штотуку објавија дека воведуваат доплати поврзани со горивото.

Акциите на нискобуџетната авиокомпанија „Виз Ер“ со седиште во Будимпешта нагло паднаа на Лондонската берза. Од почетокот на февруари, акциите на компанијата паднаа за околу 36%, што е далеку полошо од просечниот пад од околу 15% што се забележува во авиоиндустријата. Инвеститорите се загрижени за зголемувањето на цените на горивото, прекинатите рути и суспендираните услуги. Авиокомпанијата веќе ги прекина летовите до Израел до крајот на март и суспендираше неколку рути од Блискиот Исток, вклучувајќи ги и врските со Дубаи, Абу Даби, Аман и Џеда, до средината на септември.

Кои авиокомпании ги зголемуваат цените на билетите?

„Кетеј Пацифик“, „Ер Азија“ и „Тај ервејс“ се меѓу растечкиот број авиокомпании што ги зголемуваат цените на билетите за да ги компензираат зголемувањата.

Роналд Лам, извршен директор на „Катај Пацифик“, рече дека цената на горивото досега овој месец е двојно поголема од просекот од претходните два месеци и најви зголемени цени, како доплата за гориво, кои ќе влијаат на сите рути од среда, 18 март.

„Ер Азија“ објави дека привремено ќе ги зголеми цените на билетите и доплатите за гориво во четврток, ветувајќи дека ќе ги ревидира цените на билетите како што ќе се променат пазарните услови.

Претставници на „Тај ервејс“ изјавија дека очекуваат цените на авионските билети да се зголемат за 10% до 15%, додека „Квантас“ соопшти дека ги зголемил цените за различни износи во зависност од рутата. Скандинавската компанија САС соопшти дека вовела „привремена корекција на цените“.

„Ер Њу Зеланд“ ги зголеми цените. Во одговор испратен по е-пошта до „Ројтерс“ , превозникот соопшти дека ги зголемил цените на билетите во економска класа во еден правец за 10 новозеландски долари (5,10 евра) на домашните линии, 20 новозеландски долари (10,20 евра) на кратки релации и 90 новозеландски долари (45,90 евра) на долгите летови.

Други авиокомпании како „Луфтханза“ и „Рајанер“, според „Ројтерс“ преку финансиски инструменти, како внесување на инвеститори, успеаја да обезбедат дел од својата понуда по фиксни цени. Но, колку ќе се задржи оваа позиција, е неизвесно исто колку и траењето на конфликтот во Блискиот Исток.