Трагедија го погоди селото Трешњевица во близина на Ивањица во Србија, каде што дванаесетгодишно момче трагично го загуби животот откако случајно испи отровна течност наменета за прскање овоштарници.

Според информациите, момчето им помагало на своите родители во насадите со малини. Кога се ожеднал, зел пластично шише, мислејќи дека содржи сок, но всушност испил пестицид што се користи за уништување на плевел. Наводно испил две голтки и не им кажал веднаш на родителите, верувајќи дека ништо нема да му се случи. Набргу потоа се појавиле здравствени проблеми, поради што неговите родители итно го однеле во болница.

Подоцна бил префрлен во Белград на понатамошно лекување, но и покрај напорите на лекарите, момчето не можело да се спаси. Мештаните нагласуваат дека станува збор за вредно и чесно семејство и дека селото не памети таква трагедија.