Меѓународната фудбалска федерација (ФИФА) објави дека за прв пат ќе му додели прстени на победникот од финалето во недела помеѓу Шпанија и Аргентина во Ист Радерфорд, пренесува дневник.хр.

Во американскиот спорт, вообичаено е тимовите што освојуваат шампионски титули да добиваат прстени за своите достигнувања. Сега, организацијата ФИФА, ја воведува оваа практика за Светското првенство во САД, Мексико и Канада.

„Секој прстен ќе биде дел од строго ограничено издание од само 2.026 индивидуално нумерирани парчиња, директна почит кон самиот турнир. Од нив, 30 ќе бидат доделени на победничкиот тим, додека 1.996 ќе бидат достапни за навивачите ширум светот како официјален лиценциран производ, овозможувајќи им на навивачите да поседуваат уникатен дел од историјата на Светското првенство во ФИФА“, објави ФИФА.

На едната страна од прстенот се наоѓа трофејот на Светското првенство, додека ФИФА ќе ја прилагоди другата страна за да го одрази идентитетот на победничкиот тим. Секој прстен ќе биде индивидуално нумериран, прилагоден и доставен со свој сертификат за автентичност.

Веднаш по финалето, капитенот и тренерот на победничкиот тим ќе добијат прелиминарна верзија на прстенот.