Во околината на Франкфурт од маларија умре и трето лице за кое се сомнева дека било заразено од комарци кои пристигнале на аеродромот во Франкфурт со еден од авионите, објави во четврток администрацијата на градот Франкфурт. Во меѓувреме, регистрирани се шест случаи на маларија и три смртни случаи. Лицето кое почина денес е првото заразено лице кое не е вработено на аеродромот во Франкфурт, но живее во негова близина.

Како што е потврдено, третото починато лице не престојувало неодамна на аеродромот ниту патувало во некоја од областите каде што преовладува маларијата, па се претпоставува дека комарците од маларија се прошириле во околното подрачје. Компанијата Фрапорт, која управува со аеродромот, ги предупреди своите вработени да побараат медицинска помош дури и при најмал симптом, како што е покачена температура. Истото им беше препорачано и на населението што живее во близина на еден од најголемите аеродроми во Европа.

Фрапорт постави и стапици за комарци кои треба да се испратат до Институтот за тропски болести во Антверпен, кој може да утврди од кој дел од светот доаѓаат комарците што ја шират маларијата во Франкфурт. Според тоа, авионите од овие региони би можеле да се дезинфицираат по слетувањето. Инфекциите со маларија од комарци што се пренесуваат преку воздух се ретки. Од 1969 до 2024 година, во Европа се регистрирани 145 случаи на инфекција, од кои најголем број се во Франција и Белгија, пишува вечерњи.хр.