Со кампањата „Кујна од срце“, брендот за мебел Vellea Home ќе донира кујнски мебел на организации кои секојдневно се грижат за деца во ризик, лица со попреченост, постари лица и лица во социјално ранлива положба. Пријавувањето започнува на 14 септември и ќе трае до 12 Октомври.

Кујната е многу повеќе од место за подготовка на храна. Таа е простор за грижа, средби и заеднички моменти. А за многу социјални организации, таа е и важен дел од секојдневната поддршка што им ја обезбедуваат на луѓето кои се потпираат на нив.

Со оваа идеја, Vellea Home ја започнува социјалната иницијатива „Кујна од срце“ за цела Македонија преку која ќе обезбеди кујнски мебел за фондации и организации со општествено значајна дејност.

„За повеќе топлина таму каде што е најпотребна“ е пораката зад иницијативата. Целта е преку една конкретна промена да се создадат подобри услови на места кои секојдневно се грижат за деца во ризик, лица со попреченост, постари лица и лица во социјално ранлива положба.

Од една кујна започнува една мала промена

Во рамките на „Кујна од срце“, Vellea Home ќе обезбеди кујнски мебел за избраните организации и ќе се погрижи за неговата испорака и монтажа. Целта е поддршката да стигне до места каде што една пофункционална и попријатна кујна може да придонесе за подобро секојдневие, како за луѓето кои добиваат грижа, така и за оние кои ја обезбедуваат.

Иницијативата е отворена за регистрирани фондации, здруженија со непрофитна дејност, социјални институции и организации со седиште и дејност на територијата на Република Северна Македонија.

Пријавувањето започнува на 14 септември

Организациите можат да ги испратат своите апликации од 14 септември до 12 октомври 2026 година на [email protected].

Апликацијата треба да содржи информации за организацијата и нејзината дејност, опис на местото каде што ќе се користи кујната, мотивација за учество, фотографии од постојната кујна и актуелни контакт-податоци.

По завршувањето на периодот за пријавување, од 13 до 15 октомври, пристигнатите апликации ќе бидат разгледани и оценети. При изборот ќе бидат земени предвид социјалното влијание на донацијата, потребата од нова кујна и состојбата на постојниот кујнски простор.

Избраните организации ќе бидат објавени на 19 октомври 2026 година.

 

За повеќе топлина таму каде што е најпотребна

Со „Кујна од срце“, Vellea Home започнува иницијатива насочена кон местата каде што грижата за другите е дел од секојдневието.

Бидејќи понекогаш една кујна може да значи многу повеќе од нов мебел – таа може да создаде подобри услови за луѓето кои секојдневно подготвуваат храна, помагаат, поддржуваат и се грижат за другите.

Организациите можат да аплицираат до 12 октомври 2026 година на [email protected].

Повеќе информации за иницијативата и целосните Општи услови за учество и селекција можете да ги најдете ТУКА.

За Vellea Home

Vellea Home е дел од компанија со повеќе од 36 години историја во производството и продажбата на мебел за домот, канцеларијата и хотелите. Денес компанијата работи на просторот во Бугарија, Грција, Романија и Северна Македонија, со тим од повеќе од 1.600 вработени и сопствена логистичка мрежа преку која испорачува повеќе од 90.000 производи месечно.

Vellea Home нуди богат избор од повеќе од 6.000 производи и комплетни ентериерни решенија за домот, канцеларијата и хотелите. Во основата на развојот на компанијата се грижата за луѓето и животната средина, одговорноста, стабилноста и стремежот кон постојан развој.

Општествената одговорност е голем дел од вредностите на компанијата, која поддржува хуманитарни иницијативи во различни области. Со „Кујна од срце“, Vellea Home продолжува во оваа насока, насочувајќи ја својата поддршка кон организации во Северна Македонија, за кои подобрите услови значат и повеќе можности да се грижат за луѓето кои се потпираат на нив.

Vellea Home – „Кујна од срце“.

За повеќе топлина таму каде што е најпотребна.