Најмалку две лица загинаа, а 17 се повредени, меѓу кои и седум деца, откако зграда се урна во њујоршката населба Бруклин, јави ДПА, повикувајќи се на локалните власти.
Комесарката на противпожарната служба во Њујорк, Лилијан Бонсињоре, изјави дека спасувачката операција ќе трае подолго и дека во тек е истрага за утврдување на причините за уривањето.
Зградата се урнала врз соседно градилиште, а потрагата и спасувањето се „исклучително сложени“, посочи Бонсињоре.
New York – Brooklyn 4th Alarm/ 10-60 Response Box 3741: Updates: At Least 2 Dead in Brooklyn Building Collapse At least 17 others were critically injured when the three-story structure in New York City’s Flatbush neighborhood collapsed. Emergency workers continue looking for other victims in the wreckage. (Imagery via David Burns/@FD4D) @FDNY @UFANYC @FDNYFC @nycemergencymgt @EMSPAC1 @NYCEMSwatch @NYCMayor #fdny #nyfd #collapse
— David Burns 🇺🇸🗽🇺🇸 (@FD4D) November 12, 2026
Градоначалникот на Њујорк, Зохран Мамдани, на социјалната мрежа Икс објави дека го посетил местото на несреќата.
„Сакам да им се заблагодарам на екипите за итна помош, кои пристигнаа за помалку од една минута и со часови работеа во опасни и технички сложени услови за да ги спасат жителите на Њујорк. Нивната храброст и посветеност се исклучителни“, напиша Мамдани.
Тој додаде дека спасувачката операција сè уште трае и дека на терен се стотици спасувачи, а информациите постојано се ажурираат. МИА
