Пејачот Халид Муслимовиќ во својата автобиографија „Времето ме научи“ си ја отвори душата и откри бројни детали од својот приватен живот, а неговото признание за сомнежите во сопственото татковство особено го привлече вниманието на јавноста, пренесува телеграф.рс.

Муслимовиќ опиша тежок период за време на неговиот втор брак, кој, како што вели, бил обележан со бројни проблеми и несогласувања. Пејачот признава дека неговата сопруга во тоа време била склона кон авантуристички начин на живот, што го навело да води „двоен живот“.
Нивната врска поминала низ кризи, а по осум месеци разделба, на барање на таткото на жена му, кого многу го почитувал, решил да се обиде да го спаси бракот.
Откако се помириле на море во Пореч, неговата сопруга го известила дека е бремена. Се родила мала ќерка, Ена, но брачната врска набрзо повторно се влошила, што довело до конечно разделување. Халид наведува дека се обидел да биде присутен во нејзиниот живот, дека плаќал алиментација и ѝ обезбедувал сè што ѝ требало.

Сепак, како што напишал во својата автобиографија, години подоцна добил информации што го натерале да се сомнева дали Ена е навистина негова биолошка ќерка.
Според неговите искази, тетката на неговата тогашна сопруга му рекла дека се гледала со друг маж за време на нивната разделба и дека постои можност детето да не е негово.

Сакајќи конечно да ја открие вистината, Халид неодамна се обидел да стапи во контакт со Ена, која сега живее во Виена, и предложил ДНК анализа. Според книгата, таа се согласила да се сретнат, но нејзината мајка наводно ѝ забранила да го види.

Пејачот истакнал дека, и покрај сè што се случило во минатото, неговата цел не е конфликт, туку само да ја открие вистината и да добие одговор на прашањето што го мачи со години.

Да ве потсетиме дека Халид моментално ужива во својот трет брак со пејачката Аделиса Хоџиќ.