Тогашниот 20-годишен Меси, кој внимателно го бања бебето од само неколку месеци – Ламин Јамал
Спојувањето на Меси и семејството Јамал било чиста случајност
Кога фотографот Жоан Монфорт направи серија фотографии за добротворен календар во есента 2007 година во соблекувалната на стадионот „Камп Ноу“, тој веруваше во светлата иднина на младиот Лионел Меси, но не можеше да претпостави дека идниот лидер на шпанската репрезентација лежи во кадата пред него, пишува нова.рс.
На фотографијата што ги преплави социјалните мрежи, се гледа тогашниот 20-годишен Меси, кој внимателно го бања бебето од само неколку месеци – Ламин Јамал, додека мајката на момчето, Шила Ебани, е до нив.
Таткото на Јамал неодамна го сподели ова сеќавање на Инстаграм, опишувајќи го како почеток на две вистински легенди.
Оваа историска снимка е создадена сосема случајно во соработка на локалниот весник „Диарио Спорт“ и УНИЦЕФ, кога ѕвездите на Барселона се фотографираа со семејства од локалните населби. Монфорт, кој беше задолжен за снимањето во тоа време, објаснува дека спојувањето на Меси и семејството Јамал било чиста случајност и неверојатен сплет на околности што денес изгледа сосема надреално.
🤯 Increíble pero cierto
— La Hora de La 1 (@LaHoraTVE) July 9, 2024
Las imágenes de hace 16 años de Leo Messi bañando a Lamine Yamal para un calendario solidario de 2008#LaHora9J
▶️ https://t.co/sQ6U7lk1qm pic.twitter.com/1hYDTZQXcW
Во тоа време, Меси само што си го трасираше патот кон титулата најдобар играч на својата генерација, додека Јамал беше само бебе од семејство по потекло од Екваторијална Гвинеја. Години подоцна, судбината сакаше Јамал да помине низ познатата академија на Барселона, Ла Масија, и да тргне по стапките на аргентинскиот ас.
Искусниот фотограф, кој ја следи спортската сцена од 1991 година, истакнува дека никогаш во својата кариера не доживеал една од неговите фотографии да предизвика толку голем јавен интерес.
Слушнете го Канал 77 радио во живо онлајн!
Кругот официјално ќе се затвори во недела во 21:00 часот, кога Јамал и долгокосиот млад човек од фотографијата повторно ќе се сретнат на истиот терен, но овој пат како предводници на нивните национални селекции во борбата за титулата светски шампион.
Вистинска сцена што дури ни најдобрите холивудски режисери не можат да ја создадат.
