Американскиот претседател Доналд Трамп се обиде да ги објасни причините зошто САД, заедно со Израел, започнаа воена операција против Иран, наведувајќи дека верува оти Техеран се подготвувал да ги нападне САД.
„Ситуацијата многу брзо се приближуваше кон точката од која немаше враќање. Врз основа на информациите што ги добивав од моите соработници – Стив, Џаред, Пит и други, а Марко беше исто така многу вклучен – мислев дека ќе нè нападнат“, им рече Трамп на новинарите на прес-конференција во Флорида.
Тој додаде дека верува оти Иран ќе започнел напад доколку американската војска не реагирала.
Trump: "Based on what Steve and Jared and Pete and others were telling me, Marco is so involved, I thought they were going to attack us" pic.twitter.com/0orkoO0TSp
— Aaron Rupar (@atrupar) March 9, 2026
„Мислев дека ќе нè нападнат ако не дејствуваме тогаш. Сигурен сум дека имале таква намера“, рече Трамп.
Во таа прилика, тој ги спомена и своите најблиски соработници, вклучувајќи го специјалниот пратеник за Блискиот Исток Стив Виткоф, неговиот зет и советник Џаред Кушнер, министерот за одбрана Пит Хегсет и државниот секретар Марко Рубио.
Вашингтон и Тел Авив тврдат дека станува збор за превентивен напад насочен кон нуклеарната програма и воената инфраструктура на Иран, како и за спречување на можни напади врз американските сили и сојузниците во регионот.
Техеран ги отфрли тврдењата и рече дека не планирал напад врз САД, пренесува нова.рс.
