По повод четириесет и петтиот роденден на Тош Проески, кој ќе го прославеше на 25 јануари доколку сè уште беше со нас, се сеќаваме не само на голем уметник, туку и на човек чиј глас ги надминуваше границите и чие срце им припаѓаше на сите, велат од Хит рекордс. .

Како знак на сеќавање и благодарност за неизбришливиот белег што го остави, во недела, 25 јануари 2026 година, денот на неговиот роденден, ќе се одржи панихида (света миса) во православната црква „Свети Злата Мегленска“ на Нова цеста 178 во Загреб, со почеток во 10:00 часот.

-Тој не беше само врвен музичар, туку и симбол на добрина, човечност и искрена љубов кон човекот – вредности кои сè уште силно живеат денес преку неговата музика и дела. Собирот е посветен на молитва, дружење и тивко славење на животот на Тоша, неговото наследство и пораките што продолжуваат да нè поврзуваат. Сите обожаватели и почитувачи на ликот и делото на Тоша, како и сите луѓе со отворено срце, се поканети на молитвениот собир да се приклучат на ова сеќавање и заедно, во мир и достоинство, да му оддадат почит на човекот кој со својот глас лекуваше души и со своите дела го покажуваше патот, информираат од Хит рекорд.