„ВЛЕН продолжува да докажува дека економскиот развој не се гради со ветувања, туку со конкретни политики кои ги поддржуваат бизнисите, инвестициите и отворањето на нови работни места“ – велат во соопштението од ВЛЕН.

„Во оваа насока, министерот за економија и труд, Бесар Дурмиши, упати повик до сите компании кои ги исполнуваат условите од Законот за финансиска поддршка на инвестиции да аплицираат навремено и да ја искористат поддршката што ја обезбедува државата.

Овој закон им овозможува на компаниите финансиска поддршка за инвестиции во нови производствени капацитети, опрема и модерни технологии, за отворање на нови работни места, како и за проекти во областа на истражување и развој. Овие мерки имаат за цел да ја зајакнат конкурентноста на компаниите и да создадат поцврста и подинамична економија.

ВЛЕН верува дека економскиот развој доаѓа од поддршката на претприемништвото, семејните бизниси и младите иноватори. Приоритет остануваат инвестициите, намалувањето на административните бариери и создавањето услови Албанците да ја градат својата иднина во државата.

Поддршката на приватниот сектор не е само економска политика, туку и инвестиција во благосостојбата на граѓаните и долгорочниот развој на државата. Затоа, ВЛЕН ќе продолжи да ги поддржува сите политики што поттикнуваат иновации, продуктивност и создавање на квалитетни работни места.“ – стои во соопштението.