Утринските минус 4 степени во Берово и температури под и околу нулата во поголемиот дел од државата им пресуди на лозјата и расцветаните овошки. Земјоделците со чемер во душата споделија цветови од јаболкници од Берово и Ресен, поцрнети млади вишни, цреши и сливи во Штипско, Радовиш и Делчево, измрзнати млади ливчиња од разлистените лозја во Кавадаречко и Пробиштипско и младиот тутун во леите во Прилепско. Некаде штетите се сто процентни. Голомразицата остави штети насекаде. Во продолжение галерија од фотографии споделени од земјоделците на ФБ.
