Ерик Дејн, актерот најпознат по своите улоги во „Грејс анатомија“ и „Еуфорија“, почина по помалку од една година откако откри дека боледува од амиотрофична латерална склероза (АЛС). Имаше 53 години, пишува Би-Би-Си.

„Со тешки срца, споделуваме дека Ерик Дејн почина во четврток попладне по храбра битка со АЛС“, се вели во соопштението од неговото семејство.
Тој беше во брак со колешката актерка и модел Ребека Гејхарт, со која има две деца.

Во писмената изјава се вели дека ги поминал последните денови опкружен со пријатели и неговата посветена сопруга, и неговите две ќерки, Били и Џорџија, „кои беа центарот на неговиот свет“.

„Длабоко ќе ни недостига и секогаш ќе се сеќаваме со љубов. Ерик ги обожаваше своите обожаватели и засекогаш ќе биде благодарен за изливот на љубов и поддршка што ја доби“, се вели во соопштението.

АЛС, позната и како Лу Геригова болест, е ретка дегенеративна болест која предизвикува прогресивна парализа на мускулите. Таа влијае на нервните клетки во мозокот и ‘рбетот кои го контролираат движењето на мускулите, предизвикувајќи пациентите полека да ја губат способноста да зборуваат, јадат, одат и дишат самостојно.