Повеќето загинати во дискотеката Пулс се млади луѓе, сеуште фамилијарно неостварени.

Но, имаше и такви кои беа семејни луѓе, некои штотуку стапени во брак, некои штотуку станати родители, а во еден случај загина и татко кој го славеше раѓањето на своето дете.

Моника Спасова е една од неколкуте мајки. Таа зад себе остави мала ќеркичка. Младата и амбициозна девојка, освен што е нечие загубено дете, претставува и нечија загубена мајка. Нејзиниот сопруг Жарко по несреќата ги напиша овие трогателни зборови:

„Многу прашања но без одговор.

Душо моја најсакана, беспрекорна жена, најдобра мајка која не се двоеше од нашето чедо и не даваше да му фале ни влакно, фала ти за се, а највеќе што ме научи да сакам со цело срце. Тоа срце никогаш нема веќе да биде цело, распарчи се кога те гушнав последен пат и те извадив од тај пекол, ногу сакаше да идеме на ДНК, а онака нејќеше од дома да излезеш. Се сакаше да ти биде скоцкано, за детто се да биде средено до најмал детал. А бре душо моја кине ми се секој дел од срцето без тебе. Уште колку ногу љубов имав да ти дадам, колку само планови имавме, колку бевме среќни!

ОБЕЌАМ ТИ ДЕКА НАШТА СРЕЌИЧКА ЌЕ ЈА ИСПРАВАМ НА ПРАВ ПАТ, ДА БИДЕ ХРАБРА, ПОШТЕНА, ДА САКА СО ЦЕЛО СРЦЕ И ДА НЕ ТРПЕ НЕПРАВДИНИ КАКО ШТО БЕШЕ ТИ!

СЕКОГАШ ЌЕ И РАСКАЖУВАМ КОЛКУ СИ НАЈУБАВА И КОЛКУ САМО БЕШЕ НАЈДОБРА МАЈКА, КАКО ЈА САКАШЕ НАЈВЕЌЕ ОД СÈ И СЕ ГРИЖЕШЕ ЗА НЕА КАКО ПОСЛЕДНА КАПКА ВОДА ВО РАКА!

КОГА ЌЕ МЕ ПРАША: ТАТО ДЕКА Е МАМА!?

ЌЕ И ПОКАЖАМ КОН НЕБОТО И ЅВЕЗДИТЕ И ДА ЈА БАРА ЅВЕЗДАТА ШТО ТРЕПКА А ТОА ЌЕ БИДЕШ ТИ!

МОЈАТА ЉУБОВ ЗА ТЕБЕ ЌЕ ОСТАНЕ ВЕЧНА И СЕКОГАШ ЌЕ ТЕ ЉУБАМ!

ЧУВАЈ НЕ ОД ГОРЕ И ДАВАЈ МИ СИЛА АНГЕЧЕ МОЕ!

ТЕ САКА ТВОЈОТ СОПРУГ! “ – стои во објавата на Жарко.