Мексиканската компанија Геотест (Geotest) го вработи мачорот Мјаурисио како „менаџер за емоционална поддршка“ за вработените, откако го пронашле исцрпениот мачор во близина на седиштето на фирмата. По ветеринарскиот преглед, мачорот доби име, картичка за идентификација, униформа прилагодена на неговата големина и официјално „работно место“ во компанијата. 

Во едно од видеата на социјалните мрежи се гледа како „потпишува“ договор со отпечаток од шепа. Според договорот, Мјаурисио почнува да работи „кога ќе се разбуди“, ја завршува смената „кога ќе му здосади“ и има право на седум дремки дневно, паузи за истегнување и време за „гледање во ѕид без посебна причина“. Меѓу поволностите се и храна во гранули, картичка за мачкини потреби, годишен бонус и одмор.

🐈 In Mexico, a stray cat has been officially hired

A ginger cat named Miauricio was taken in by Geotest, a Mexican geotechnical engineering company. The cat was treated, allowed to stay in the office, and eventually officially hired as an employee.

Miauricio is listed on staff… pic.twitter.com/455vccq48R

— NEXTA (@nexta_tv) January 28, 2026

Негови работни задачи се: „надзор со нежен поглед“, „преглед на торби и кутии“, „седење на важни документи“ и „професионално предење“, додека пак, „платата“ му се состои од внимание, галење и грижа од страна на вработените. Со оваа постапка, компанијата нагласува дека целта им била да се подобри работната атмосфера, а приказната на социјалните мрежи предизвика бројни позитивни и хумористични реакции.