Ивона Антова на само 21 година го загуби животот во големата трагедија во Пулс.

Требаше да биде иден моден дизајнер, се запиша на факултет во Словенија, а требаше да замине и во Хрватска на работа. Последните денови и недели од дружбата во Македонија, за жал, беа последни денови во животот на Ивона.

Нејзините познаници, другарки и другари, ја паметат Ивона како многу ведра девојка, со огромен круг на познаници и пријатели, секогаш раасположена за дружба, за помош, да биде тука кога на другите им е потребно.

Ивона е ќерка на единствената жена пожарникар во кочанското Доброволно противпожарно друштво, Стојка Иванова Антова. Беше единственото дете на нејзините родители. Стојка секој ден пишува за своето загубено чедо. Ова е едно од нејзините обраќања:

„Јас сум мајка што го изгуби своето единствено дете.

Нема поголема болка од оваа, нема подлабока рана.

Некој ја крие тагата во себе, јас пишувам –

затоа што ако молчам, ќе умрам однатре.

Не пишувам да им се допаднам на луѓето, не пишувам за лајкови,

туку за мојата Ивонче –

за да не се заборави нејзината младост,

нејзината насмевка, нејзиниот живот. 💔

Ако некој не ја разбира оваа болка –

подобро нека молчи.

Да се суди мајка што изгубила дете

е најголемиот грев.

Јас немам од што да се срамам.

Срам е да се вртиш со злоба кон нечија рана.

Моето дете беше и ќе остане моја гордост и мој животЈас сум горда мајка на ангел 🕊️.

И моето Ивонче ќе живее преку секој збор што ќе го напишам.

🕯️ Почивај во мир, љубов моја вечна.

Твојата светлина никогаш нема да згасне.“ – стои во една од објавите на Стојка.