На 15 март, ден пред годишнината од трагедијата во Пулс, кочанскиот ПСК Осогово организира меморијален марш во чест на загинатата планинарка, Ивона Антова:

„По повод една година од трагичниот настан во дискотеката „Пулс“ во Кочани, каде животот го загуби нашата млада планинарка Ивона Антова, во нејзина чест и во спомен на 63-те прерано згаснати животи, Планинарско спортскиот клуб Осогово – Кочани на 15 март го организира првиот меморијален марш „Ивона Антова и 63 Ангели“.
Маршот ќе се реализира на туристичкиот локалитет Пониква.
Почеток: Аеродром Пониква – 09:00 часот
(место каде ќе започне изградбата на Меморијалниот споменик „Ангели“)
Предвидена патека:
Пешачење до највисокиот врв на Пониква – врв Панаѓур (1669 м.н.в.)
Должина на патеката: 9 км (кружна)
Лесна и пристапна патека, наменета за сите категории планинари, рекреативци и љубители на природата
По завршувањето на маршот, за сите учесници ќе биде организиран заеднички ручек во манастирската трпезарија.
За сите клубови, училишта и организирани групи учесници, ПСК Осогово ќе додели благодарници за учество и поддршка.
Да зачекориме заедно по патеките што ги сакаше Ивона, да ја зачуваме спомената за неа и за сите наши ангели, и преку заедништво и љубов кон природата да испратиме порака дека никогаш нема да бидат заборавени.
Пск Осогово ги повикува сите планинарски клубови, рекреативци, училишта, Општината, како и родителите на починатите и повредените деца, заеднички да им оддадеме почит на нашите Ангели – спомен што засекогаш ќе живее и почит што длабоко ја заслужуваат.“ – велат од клубот.