Во изминатите денови општинскиот огранок на ВМРО ДПМНЕ од Струмица интензивно го подготвуваше Градскиот стадион „Младост“, каде вечерва во 20 часот е централната свеченост по повод одбележувањето на, како што е најавено,  36 години од основањето на партијата и 133 години од почетокот на македонската револуционерна борба.

Веќе претпладнето премиерот и партискиот лидер, Христијан Мицкоски ќе изврши увид на реконструираната ЈЗУ Општа Болница во Струмица.

Повик до членството упати новиот генерален секретар на партијата Драган Ковачки,  кој рече дека со пораката “Македонија забрзува. Наша обврска”, се нагласува „посветеноста на Владата предводена од ВМРО-ДПМНЕ, институциите и на граѓаните за забрзување на реформите за да се надминат застоите од минатото и заеднички да изградиме просперитетна Македонија“.