Во вооружен напад во средното училиште во градот Тамблер Риџ, во Британска Колумбија, во Канада, убиени се десет лица, вклучувајќи го и напаѓачот, објавија властите.
Би-Би-Си јави дека пукањето се случило околу 13:20 часот по локално време.
Полицијата пронашла шест мртви лица во училиштето, додека седмиот починал на пат кон болницата, а две лица биле пронајдени без знаци на живот во куќа во близина на училиштето.
Полицијата верува дека двата смртни случаи во куќата се поврзани со инцидентот во училиштето.
BREAKING: Reports now say as many as 10 people may be dead following the shooting at Tumbler Ridge Secondary School in British Columbia, Canada.
— Tony Lane 🇺🇸 (@TonyLaneNV) February 11, 2026
Authorities have confirmed multiple victims inside the school, another who died on the way to the hospital, and investigators are now… pic.twitter.com/d4z8SKBdFz
Напаѓачот, исто така, бил пронајден мртов, а полицијата верува дека смртоносните повреди самиот си ги нанел.
Шефот на полицијата Кен Флојд изјави дека 25 лица се здобиле со полесни повреди, а две лица се здобиле со сериозни повреди.
Во безбедносното предупредување испратено за време на нападот, осомничениот е идентификуван како „женско лице во фустан, со кафена коса“.
Официјалните лица велат дека го знаат идентитетот на напаѓачот, но досега не го објавиле името или полот.
❗️⚠️🇨🇦 – A tragic mass shooting occurred on February 10, 2026, at Tumbler Ridge Secondary School in the small town of Tumbler Ridge, northeastern British Columbia, Canada.
— 🔥🗞The Informant (@theinformant_x) February 11, 2026
According to the latest updates from the Royal Canadian Mounted Police (RCMP) and multiple reliable news… pic.twitter.com/2QW3p4JWYa
Полицијата сè уште не го идентификувала видот на оружјето што е употребено во нападот, ниту возраста на жртвите.
Премиерот на Британска Колумбија, Дејвид Аби, на прес-конференција изјави дека полицијата пристигнала на местото на нападот две минути по повикот, со што спречила оваа ужасна трагедија да стане уште полоша.
A school shooting in British Columbia has left at least 10 people dead, including the attacker, and dozens injured.
— Sky News (@SkyNews) February 11, 2026
Sky's @Mollie_Malone1 has more on the story.
Live updates: https://t.co/wYyC55sGKV
📺 Sky 501, Virgin 602, Freeview 233 and YouTube pic.twitter.com/ooVJtHtXsi
Во училишниот комплекс се наоѓаат основно и средно училиште, од кои се евакуирани околу 1.000 ученици и наставници.
Градот Тамблер Риџ, со околу 2.400 жители, е оддалечен околу 1.200 км од Ванкувер и е близу до границата со Алберта.
