Пакистанските воздухопловни сили во текот на ноќта ги нападнаа воените објекти во соседен Авганистан по офанзивата на авганистанските талибански сили, соопштија официјални лица рано утрово, при што беа погодени цели во Кабул и провинциите Кандахар и Пактија.
Портпаролот на талибанската влада, Забихула Муџахид, ги потврди нападите на X, велејќи дека нема извештаи за жртви од воздушните рации. Пакистан соопшти дека десетици талибански борци биле убиени во нападот.
Жител на Кабул изјави за ДПА дека се разбудил од звукот на експлозии и дека авиони летале над градот со часови. „Се разбудивме преплашени, мислејќи дека се случил земјотрес“, рече тој.
Pakistan has released video footage of airstrikes on Kabul, saying they targeted Taliban facilities in response to what it called “unprovoked aggression.”
— Visegrád 24 (@visegrad24) February 26, 2026
Meanwhile, the Taliban have threatened to retaliate for the strikes on Kabul by bombing Pakistani cities. pic.twitter.com/WjAW5bObTy
Претходно, Авганистан ги нападна пакистанските позиции по должината на спорната граница, убивајќи 55 пакистански војници и заземајќи пунктови во пограничниот регион, соопшти авганистанското Министерство на X. Исто така, беше соопштено дека осум авганистански борци биле убиени, а 11 други ранети, додека 13 цивили биле повредени.
Претседателот на Пакистан, Асиф Али Зардари, рече дека одговорот на вооружените сили бил сеопфатен и решителен и оти земјата нема да прави отстапки во однос на мирот и територијалниот интегритет.
Пакистанскиот министер за информирање, Атаула Тарар, изјави дека 133 авганистански талибански борци биле убиени во одмаздничките напади кои уништиле складишта за оружје, тенкови и воени инсталации.
Тврдењата на авганистанската и пакистанската страна не можеле да бидат независно проверени, нагласува ДПА.
A local resident of Kabul has recorded this video of Pakistani jets carrying out strikes in the Afghan capital. pic.twitter.com/ZONuLTjYEj
— Ihtisham Ul Haq (@iihtishamm) February 26, 2026
Генералниот секретар на Обединетите нации, Антонио Гутереш, ги повика двете земји на деескалација и решавање на нивните разлики преку дипломатски средства, изјави неговиот портпарол Стефан Дижарик.
Тензиите меѓу двајцата соседи ескалираа по пакистанските воздушни напади врз Кабул во октомври и последователните прекугранични судири.
Претходно овој месец, ОН во извештај наведоа дека најмалку 70 авганистански цивили биле убиени, а 478 повредени во последните три месеци од 2025 година во напади припишани на пакистанските сили.
Мировните преговори со посредство на Катар и Турција не успеаја да донесат трајно решение за конфликтот.
Минатиот викенд, во пакистански напади во Авганистан беа убиени 13 цивили и ранети седум други, соопшти Мисијата за помош на Обединетите нации во Авганистан. Муџахид ги опиша последователните талибански напади врз Пакистан како контраофанзива.
Tonight, Pakistani military strikes reportedly targeted multiple locations across Afghanistan, including Kabul, Kandahar, Paktia, Ningarhar, and Kunar. In Kabul, neighbourhoods such as Wazir Akbar Khan, Arzan Qemat, Darul Aman, Khushal Khan, and areas near Kabul airport were… pic.twitter.com/vcmY6S8keo
— BILAL SARWARY (@bsarwary) February 26, 2026
Исламабад го обвинува Кабул дека засолнува милитанти како Техрик-е-Талибан Пакистан (ТТП) и регионален огранок на екстремистичката група Исламска држава, обвинувања кои талибанците ги негираат.
ОН, исто така, во неодамна објавен забележаа дека владата во Кабул обезбедува поволна средина за разни терористички групи во земјата и го поддржува ТТП.
Земјите делат граница од приближно 2.400 километри, воспоставена во 1893 година. Рутата на де факто границата, позната како Дурандова линија, е спорна меѓу двете земји. МИА
