Предлог законските измени поднесени во Собранието од страна на пратениците од коалицијата на СДСМ за намалување на цените на патарините на половина, не беше прифатен од владејачкото мнозинство. Од 95 присутни пратеници, гласаа само 23-ца, со што измените не беа прифатени.
Пратеникот Миле Талевски објасни дека покрај преполовување на патарините се предлага со закон да се уредат цените, а не како до сега, со одлука на Владата. Намалувањето на патарините, како што рече, од кои зависи мобилноста на граѓаните, директно влијае врз стандардот.
-Нашата држава е увозна зависна од храна, лекови, репроматеријали во кој транспортот игра голема улога во финалните цени. Намалувањето на транспортните трошоци ќе влијае на цените во маркетите, аптеките и производството на компаниите, рече пратеникот Талевски.
Пратениците денеска не го прифатија и предлогот за намалување на данокот и акцизите за нафтените деривати.
