Најмалку 16 лица, меѓу кои и ученици, се ранети во пукање во училиште во турскиот град Сиверек, во округот Шанлиурфа југоисточна Турција, јави турската државна телевизија ТРТ Хабер.
Напаѓачот бил поранешен ученик на училиштето и извршил самоубиство кога сфатил дека ќе биде фатен, соопшти гувернерот на округот, Хасан Шилдак.
Öğrenciler okuldan tahliye edilirken, olay yerine çok sayıda sağlık ve özel harekat polisi sevk edildi.pic.twitter.com/9U2IKEizwv
— NewsByStewie (@Yusufofisil) April 14, 2026
Причината за пукањето што се случи утрово сè уште не е јасна. Познато е дека напаѓачот бил роден во 2007 година, учел во училиштето до деветто одделение, по што се префрлил во друго училиште. Според извештаите, напаѓачот користел ловечка пушка.
Според информациите на онлајн изданието на „Хуриет“, очевидци соопштиле дека биле земени заложници, меѓу кои имало и ученици. Друг дел од учениците кои се наоѓале во зградата се обиделе да побегнат скокајќи низ прозорците.
⚪️ Şanlıurfa’nın Siverek ilçesinde düzenlenen saldırının, 16 yaşındaki bir öğrenci tarafından gerçekleştirildiği bildirildi. (Sözcü)
— SİYAH SANCAK (@siyahsancakx) April 14, 2026
Olayda 18 kişinin yaralandığı, yaralılardan 4’ünün durumunun ağır olduğu aktarıldı. https://t.co/Jc7iSn2hgn pic.twitter.com/I6Jn0n7GlX
Првично напаѓачот, кој се криел во самото училиште, одбил да се предаде по предупредувањето од полициските екипи испратени на местото. Потоа биле ангажирани и специјалните единици.
Гувернерот на Шанлиурфа соопшти дека во моментов продолжува болничкото лекување на 12 од повредените. Од нив четворица се наставници, 10 се ученици, еден е полициски службеник, а еден е вработен во училишната менза, , пренесува МИА.
На вознемирувачките видеа објавени на социјалната мрежа „Х“ се гледаат ученици со ранци како панично бегаат од училиштето, а потоа се гледаат брза помош и специјални сили како брзаат кон местото на настанот.
Турската Си-Е-Ен објави дека некои од повредените ученици скокнале од прозорецот за да избегаат од вооружениот напад.
