Нарекувајќи се себеси „богато дете од Инстаграм“ и фалејќи се дека неговото семејство се „британските Кардашијанки“ за измамници, 26-годишниот Џек Воткин беше осуден на шест години затвор за измама на пријатели и роднини за речиси 230.000 евра.
Џек Воткин се претставувал како милионер на социјалните мрежи за да ги убеди луѓето – вклучувајќи го и својот татко – да инвестираат во неговиот бизнис со лажни чанти. 26-годишникот им ветил на своите жртви дел од профитот ако му позајмат пари за да купува и продава чанти од Хермес.
Сепак, судот во Честер утврди дека не постојат ниту чанти ниту профит и дека 26-годишникот ги користел парите за да го финансира својот… екстравагантен животен стил, објави „Дејли меил“.
Во период од две и пол години, невработениот Воткин потрошил 1.380.336 евра на хотели, луксузни одмори и дизајнерска стока. Тој живеел со недели во хотел со 5 ѕвезди во Лондон, каде што собите чинеле до 3.450 евра од ноќ. Полицијата соопшти дека сметката за хотелот надминала 156.000 евра за само шест месеци.
Тој, исто така, платил над 25.000 евра за да се вози низ Лондон во Ролс Ројс со шофер и редовно го посетувал Хародс, каде што „барал“ жртви и потрошил речиси 78.000 евра.
Воткин бил уапсен откако детектив во полицијата станал една од неговите жртви, откако го најава дека сака да купи часовник „Ролекс“ вреден 35.000 евра. Полицајците поставиле заседа и го уапсиле 26-годишникот на паркингот. Истрагата открила дека 26-годишникот имал… богатство од дизајнерска стока и облека во магацин во Најтсбриџ. Младиот човек признал шест измами помеѓу декември 2019 и август 2024 година во износ од 224.304 евра.
Изрекувајќи ја пресудата на измамникот во судот во Честер, судијата Сајмон Берксон му рече:
„Се претставувавте како некој богат и добро поврзан за да ги измамите жртвите. Се опишавте себеси како милионер и зборувавте за вашето знаење за луксузни стоки, престојувавте во луксузни хотели. Се покажа дека вистинската намера била измама, да ги земете парите на луѓето и да ги потрошите сите на себе. Без работа, без приходи, а со многу парите, кои ги користевте за луксузни одмори и купување дизајнерска стока. Потрошивте над 1 милион фунти за релативно краток временски период“, рече судијата.
„Мојот живот не е лесен“
Џек Воткин во јавноста за прв пат се појави на 17-годишна возраст во документарецот на ТВ Канал 4 „Богатите деца на Инстаграм“, кој првпат се емитуваше во 2016 година. Во тоа време, тој го споредуваше своето семејство со Кардашијан и се фалеше со своите скапи автомобили. Тврдеше дека редовно патува со приватниот авион на својот татко, купува часовник од 575.000 евра и друго.
„Мојот живот не е лесен. Татко ми работеше многу напорно за да ми ги обезбеди сите овие убави работи. Нашиот приватен авион не лета сам, нашиот базен не се чисти сам, моите автомобили не се полнат автоматски со бензин“, рече тој.
Развод и измама
Сепак, судот слушна дека во март минатата година, привилегираното воспитување и екстравагантниот начин на живот на Воткин се срушиле. Катализаторот за неговото навредливо однесување се случил пред шест години, во 2019 година, кога неговите родители се развеле по што таткото, тајкунот за недвижности Џејсон Воткин, ги прекинал контактите со Џек. Таткото не го одобрувал неговото екстравагантно трошење.
Обвинителот рече дека Воткин ја смислил измамата, која се фокусирала на луксузниот француски бренд Хермес и вклучувала ветување на инвеститорите за можност за брза заработка од чантите. Модната куќа им дозволува само на одредени клиенти да ги купуваат нејзините ексклузивни чанти, кои честопати имаат поголема вредност за препродажба отколку кога се купени нови.
Обвинителот рече дека 26-годишникот убедил семеен пријател да инвестира, тврдејќи дека имал „личен однос“ со директорот на Хермес, кој му дал посебен пристап до луксузните чанти. Тој, исто така, се преправал дека е милионер на социјалните мрежи за да ги убеди своите жртви да му дадат пари во готово.
„Тој претстави надворешна слика за гламурозен и луксузен начин на живот. Се чини дека ова инспирирало доверба и навело неколку луѓе да му позајмат големи суми пари со ветување за финансиска заработка или луксузни предмети. Реалноста беше дека, откако му ги дале парите, тој не ги вратил како што било договорено, што резултирало со губење на големи суми пари од страна на многу луѓе. Обвинетиот наоѓал изговори и ги избегнувал тужителите, а во исто време трошел големи суми пари за да го одржи својот навидум луксузен начин на живот“, рече обвинителот.
Го измамил и сопствениот татко
Воткин ја измамил својата пријателка, Хана Џејкс, за 113.000 евра, додека сопственичката на бутикот Кристин Колберт изгубила 50.000 евра. 26-годишникот бил обвинет и за кражба на сина чанта „Хермес“, вредна 24.000 евра, и чанта од алигатор, вредна 9.000 евра од бутикот на Кристин Колберт. Тој го измамил и сопствениот татко за речиси 16.000 евра.
Таткото и синот имале нарушен однос откако вториот одбил да му позајми 115.000 евра. Џек исто така, тврдел дека неговиот татко бил „рамнодушен“ кога бизнисот станал тежок за време на пандемијата Ковид-19.
„Г-дин Воткин беше загрижен за износот што обвинетиот изгледа го трошеше за својот социјален живот, и покрај фактот дека не работеше“, рече обвинителот.
Кога бил испрашуван, Џек тврдел дека неговиот начин на живот бил финансиран од неговата мајка и еден соработник, чие име одбил да го открие. Тврдел дека имал намера да ѝ ги врати парите, но му требало повеќе време.
Осуда за детска порнографија и измама
Но, кога полицајците почнале да ги истражуваат финансиите на 26-годишникот, откриле дека тој заложил дел од своите луксузни добра. Исто така, му го заплениле мобилниот телефон и откриле серија слики од злоупотреба на деца и порнографија.
Порано оваа година, Воткин беше осуден на истиот суд по пет точки за правење непристојни слики од деца, две обвиненија за поседување непристојни слики од деца, потоа за поседување забранета слика од дете и за поседување порнографска слика. Тој беше осуден на 18 месеци затвор за овие прекршоци, како и на дополнителни четири и пол години за шест обвиниенија за измама.
