Хотелска соба дизајнирана за долгогодишни гејмери и фанови на е-спорт се претвори во кошмар кога нејзиниот корисник си заминал по речиси две години континуирано живеење. Инцидентот се случил во градот Чангчун, Кина, и предизвика бес откако видеото од инцидентот стана вирално.
На сликите што кружат на социјалните медиуми, а ги објави и „Сан“, собата изгледа непрепознатливо: обвивки од храна, празни шишиња и пакети за достава формираат купишта отпад што зафаќаат речиси секој достапен простор. На некои места, ѓубрето достигнува висина од речиси еден метар, покривајќи маси, столови и опрема за игри.
Персоналот ја опиша сцената во бањата како најшокантна. Купови тоалетна хартија беа наредени врз мијалникот, додека површините практично не се гледаат од ѓубрето, поради што просторот е практично непристапен.
Grim vid shows hotel guest from hell leave room in stomach-churning state pic.twitter.com/GwT0sWJo2d
— The Sun (@TheSun) December 18, 2025
„Клиент од пеколот“
Хотелот е наменет за долгогодишни играчи, нудејќи приватни соби со компјутери, ергономски столчиња и сигурен пристап до интернет. Сепак, според вработените, случајот на овој конкретен гост, бил без преседан.
Гостинот бил речиси „невидлив“: ретко комуницирал со персоналот, а некои вработени никогаш не го виделе лично. Кој бил и што правел, се виде дури откако тој си заминал.
Следеа три дена интензивно чистење и дезинфекција за собата повторно да стане функционална. Иако можеа да преземат правни мерки, менаџерите на сместувачкиот капацитет се чини дека одлучија да не продолжат понатаму, едноставно сакајќи конечно да го затворат поглавјето за она што самите го опишуваат како „гостин од пеколот“.
