Пратеникот од Левица, Амар Мециновиќ, од собраниската говорница посочи дека Владата ги штити фирмите кои даваат недостоинствени плати:

„Овие фирми нема да умрат од зголемување на платите, но ако цел бизнис-модел им се заснова на плати за сиромаштија, дозволете им да умрат. Нека умрат фирмите кои не можат да дозволат достоинствени плати за граѓаните на Македонија. Вашето штитење носи недостоинствен живот. На нас семејствата ќе ни се распарчуваат бидејќи фирмите кои не можат да поднесат повисоки плати, вие ќе ги штитите? Ние тоа нема да го дозволиме. Ако умираат, нека умрат, рече Мециновиќ.

Мециновиќ се обрати и до министерот за економија, Бесар Дурмиши, прашувајќи го дали Владата, како што рече, конечно ќе признае дека незголемувањето на минималецот е нивен политички избор.