Новинари, претставници на Здружението на новинари на Македонија, викендов беа во посета на здружението на семејствата на загинатите од трагедијата во Пулс:

„Денес добивме едно навистина топло и убаво изненадување.
Во нашите простории нè посетија претседателот на ЗНМ Младен Чадиковски, потпретседателката Маја Јовановска, претседателката на Советот за етика во медиумите Леунора Калиќи, како и нашата пријателка и новинарка Деница Чадиковска, која со фотографија ја овековечи средбата.

Средбата беше искрена, човечка и полна со разбирање.
Се почувствува внимание, почит и вистинска желба да се слушне што ни тежи, низ што поминуваме и што ни недостасува.
Особено ни значи тоа што самите побараа да дојдат – од почит, од солидарност,
и од искрено признавање на напорот што секојдневно го вложуваме
како здружение… и како родители кои ја носат најтешката болка.
Ваквите мигови даваат чувство дека не сме сами. Дека некој гледа, некој слуша,
и некој искрено сака да биде поддршка.“ – велат од здружението „16-ти март 2025“.