Во понеделник на 15 јуни со почеток од 19 часот во градскиот Парк на Револуцијата во Кочани ќе се одржи модна ревија и продажба на фустани со хуманитарен карактер, во чест и спомен на Јорданчо Џамов, еден од 63-цата загинати во пожарот во дискотеката Пулс:

„Со особена чест и длабока почит Ве покануваме да бидете дел од хуманитарниот настан посветен на Јорданчо Џамов и загинатите ангели.

Настанот има за цел да ја обедини хуманоста, љубовта и заедништвото, а сите собрани средства ќе бидат наменети за:

• Изградба на спомен-обележјето „Патека на бесконечноста“

• Помош и поддршка за семејства од ранливи категории

Во рамките на програмата ќе бидат организирани:

• Модна ревија во соработка со Универзитетот „Гоце Делчев“ – Штип

• Продажба на фустани, при што сите собрани средства ќе бидат наменети за поддршка на хуманитарната цел на настанот

Музичка програма

Ве очекуваме заедно да испратиме порака на хуманост, почит и надеж.

Со почит,

Пријателите и семејството“