По протечените фотографии во јавност, на кои се гледа дека полициски службеници го обезбедуваат плацот на кој се случи пожарот на фотоволтаични панели во петокот на 03.07.2026, а во кои дел од јавноста прашуваше зошто приватен имот се обезбедува со државни ресурси, Канал 77 се обрати до Министерството за внатрешни работи, од каде појаснија:
„Ве известуваме дека полициското обезбедување на локацијата е од превентивен карактер. СВР Штип презема мерки за утврдување на причините за настанување на пожарот и за целосно расчистување на случајот. Времетраењето на полициското обезбедување на локацијата ќе биде согласно безбедносната проценка, односно се до завршување на увидот од страна на инспектор за пожари.“ – велат од МВР.
